ಕೇಳಲು ಇಂಪು ಅದು ಸೂಸುವ ನಿನಾದ.
ಬಿದಿಗೆ ಚಂದ್ರಮನಂತೆ ನಿನ್ನ ಸ್ನೇಹ ಗೆಳತಿ
ನೋಡಲು ಕಣ್ಣಿಗೆ ತಂಪು, ಮನಸಿಗೆ ಆನಂದ.
ಸಂಜೆಗಂಪಲ್ಲಿ ಭೋರ್ಗರೆವ ಕಡಲಂತೆ ನಿನ್ನ ಸ್ನೇಹ ಗೆಳತಿ
ಹೊಮ್ಮುತಿವೆ ಭಾವನೆಗಳು ಏನನ್ನೋ ಹೇಳುವಂತೆ.
ಹೇಳು ಗೆಳತಿ, ಹೇಗಿರಬೇಕು ನಮ್ಮ ಸ್ನೇಹ?
ಹುಣ್ಣಿಮೆಯಂದು, ಪೂರ್ಣ ಚಂದ್ರ ಚೆಲ್ಲುವ ಬೆಳದಿಂಗಳಿನಂತಿರಲೆ?
ಬಗೆ ಬಗೆಯ ಹೂಗಳ ಮುಡಿದು ನಗೆ ಚೆಲ್ಲುವ ಹೂತೋಟದಂತಿರಲೆ?
ಏನನ್ನೂ ಹೇಳದೆ, ಎಲ್ಲವನ್ನೂ ಸೂಚಿಸುವ ಕನ್ನಡಿಯಂತಿರಲೆ?
ಬಿಸಿಲಿನ ಕೋಪಕ್ಕೆ ಬೇಸತ್ತು ನೊಂದ ಭೂತಾಯಿಗೆ,
ತಂಪು, ಕಂಪು ತರುವ ವರ್ಷಧಾರೆಯಾಗಲಿ.
ಬಿರುಗಾಳಿಯ ರಭಸಕ್ಕೆ ನಲುಗಿದರೂ,
ತನ್ನಂತರಾಳದಲ್ಲಿ ಪ್ರಶಾಂತವಾಗಿರುವ ಸಾಗರದಂತಿರಲಿ.
ಒಂಭತ್ತು ತಿಂಗಳು ಹೊತ್ತು, ಹಡೆವ ತಾಯಿಯು
ಸುರಿಸುವ ಆನಂದಭಾಷ್ಪವಾಗಲಿ.
ಕೇಳು ಗೆಳತಿ ಹೀಗಿರಲಿ ನಮ್ಮ ಸ್ನೇಹ
